Descrición

Cogomelo cunha cutícula lixeiramente aveludada e en tempo húmido algo viscosa. O seu sombreiro mide entre 5 e 15 cm, ten forma de copa, de convexo a estendido e deprimido, e posúe círculos concéntricos. A cor é dun laranxa esbrancuxado ou cenoria, tanto as láminas, como o pé, a carne e o látex, con círculos máis escuros que tiran a vermellos. Ten láminas decorrentes cor laranxa que ao cortalas adquiren tons verdosos porque se oxidan rapidamente. O pé, crebadizo, é corto e cilíndrico, máis estreito na base, duns 8 cm de lonxitude por 3,5 cm. de diámetro. Ao principio é macizo e vaise baleirando e debilitando co tempo.