Panorámicas inéditas e recunchos descoñecidos no medio da realidade urbana
Iniciamos esta etapa no monte de Conxo, pechado na súa parte posterior polo muro que delimitaba as antigas propiedades do mosteiro de Conxo, cunhas fermosas vistas de Compostela. Comezamos o descenso por unha contorna onde conviven as novas arterias de comunicación con zonas agrícolas. A seguir entramos nunha carballeira espectacular, con moita flora de ribeira, que nos atrapará nun enclave que conxuga a pedra e a auga. Gozaremos dunha fonte e dun lavadoiro tradicional de pedra que aínda conserva as súas grandes laxas, aproveitando a auga do río cuxo arrolo nos acompañará durante un tramo ata chegar á aldea do Casal. A nosa etapa segue por un tramo máis urbano ata o parque do Combarro, onde nos atoparemos unha zona empedrada con bancos onde facer un pequeno descanso. De aquí avanzamos ata Lamas de Abade, aldea pola que iremos serpeando ata chegar ao monte das Santas Mariñas onde as vistas de Santiago poñen o broche final.
Camiños, historia e patrimonio impregnado de lendas
Conxo, un lugar por descubrir! Adéntrate na súa historia e saberás que foi un concello independente, berce da poetisa Rosalía de Castro, terra que translucirá en obras como, En las orillas del Sar. Aquí comezou tamén a súa andadura o primeiro ferrocarril galego.
En 1873, entra en servizo a primeira liña férrea que une Conxo e Carril, constituíndo unha arteria de retroalimentación durante anos de produtos dos portos, agrícolas e gandeiros. No verán permitíalle tamén a moitos composteláns poder desfrutar dunha praia que a capital non tiña.
A riqueza etnográfica é múltiple. Atoparemos un castro prerromano, un dos petróglifos máis famosos de Galicia, o mosteiro de Conxo e o “manicomio”(actual hospital psiquiátrico). Non esquecemos o río Sar que alimenta e dá valor a numerosos muíños, pontes… E toda esta historia está envolta por distintas lendas como a que dá orixe ao seu nome: Conxo derivaría de Canogio o nome dun infortunado amante e peregrino asasinado por un conde celoso que pretendía a súa moza.
Utilizamos cookies para optimizar o noso sitio web e o noso servizo
Funcionais
Always active
El almacenamiento o acceso técnico es estrictamente necesario para el propósito legítimo de permitir el uso de un servicio específico explícitamente solicitado por el abonado o usuario, o con el único propósito de llevar a cabo la transmisión de una comunicación a través de una red de comunicaciones electrónicas.
Preferences
The technical storage or access is necessary for the legitimate purpose of storing preferences that are not requested by the subscriber or user.
Estatísticas
The technical storage or access that is used exclusively for statistical purposes.El almacenamiento o acceso técnico que es utilizado exclusivamente con fines estadísticos anónimos. Sin una requerimiento, el cumplimiento voluntario por parte de su proveedor de servicios de Internet, o los registros adicionales de un tercero, la información almacenada o recuperada sólo para este propósito no se puede utilizar para identificarlo.
Marketing
El almacenamiento o acceso técnico es necesario para crear perfiles de usuario para enviar publicidad, o para rastrear al usuario en un sitio web o en varios sitios web con fines de marketing similares.
