Desde aquí pódese apreciar unha impresionante vista panorámica de Santiago e os seus arredores que chega ata localidades tan afastadas como Milladoiro ou Os Tilos.
Impresionante complexo arquitectónico froito do talento do arquitecto norteamericano Peter Eisenman onde se celebran exposicións, concertos, conferencias…
Ruta que arrinca nas faldras do monte que se solapa en parte co percorrido desta etapa e na que se poden apreciar representacións escultóricas de distintas figuras da mitoloxía galega.
Masa acuática que da nome a este parque anexo á Cidade da Cultura onde te podes relaxar entre patos e nenúfares.
A fonte é unha construción sólida de mediados do S. XIX . O lavadoiro foi engadido máis recentemente.
Non todos os deuses habitaron o ceo, numerosas culturas situaron ás súas deidades, os seus mitos, lendas e ritos en montañas, covas e elementos da natureza.
A montaña, en diferentes culturas, foi lugar sacro, morada de Deuses e espíritos: o Olimpo grego, o mítico Monte Meru, o Uluru, o Kailash…
En Galicia, o pai Sarmiento xa describía os rituais para ter descendencia que tiñan lugar no monte do Pindo e admirábase do asombroso crecemento que experimentaban as herbas da noite para a mañá neste lugar.
Así, como testemuña desta Galicia máxica, o monte do Viso, monte con vistas privilexiadas, desde o que se divisa o lendario Pico Sacro, mole de cuarzo cristalizado, alá nos dominios de mítica raíña Lupa, quixo ser morada de seres da tradición popular galega. Na senda mítica, poderemos coñecer aos fuxidíos biosbardos, seres da noite, recollidos na obra literaria de Blanco Amor, o Nubeiro, señor morador dos aires responsable de tormentas e tempestades, os mouros, custodiando tesouros ocultos…
Un paseo para descubrir diferentes figuras da mitoloxía galega
De diversas formas, este monte tivo moita importancia ao longo da historia
