Foeniculum vulgare

Nome Común: Fiuncho

Nome científico: Foeniculum vulgare

Sabías que?

O nome da capital da Rexión Autónoma de Madeira, Funchal, vén da palabra portuguesa para designar a esta planta, 'funcho', similar á galega, 'fiuncho', debido a que a súa presenza abundante nos campos das illas deste arquipélago chamou tanto a atención dos seus primeiros colonos chegados desde Europa que lles levou a bautizala así.

Descrición

Herba perenne e ergueita que pode chegar a alcanzar até os dous metros de altura, con follas longas, delgadas e dun verde intenso, flores amarelas e un froito alargado e curvo, de escaso tamaño, que é o responsable do característico cheiro que desprende esta planta.

Ecoloxía

Oriúndo da rexión costeira do Mediterráneo do sur de Europa, está agora amplamente estendida por todas as zonas tépedas do planeta, ao ser moi resistente e poder desenvolverse en chans escasos de recursos. Pola súa rápida capacidade de propagación, en lugares como Australia e Estados Unidos de América considérase unha especie invasora a erradicar.

Usos

Moi popular e presente en cociñas de distintas partes do mundo, xa sexa picando o talo e as follas para o seu uso como herba aromática, empregando as sementes secas como especia ou os bulbos como hortaliza, máis polo seu intenso sabor e aroma que polo seu valor nutritivo, que é escaso. En herboristería utilízase para favorecer o proceso dixestivo, combater trastornos de mesmo, o catarro e a conxuntivite e irritacións oculares.

© Concello de Santiago
Ir al contenido