A femia do ferreiriño abelleiro pon de 10 a 13 ovos e non dá abasto para quentalos todos, é por isto que o seu niño é bastante cálido, acolchado con musgo e forrado de plumas e pelos. O seu canto pódese confundir co doutros paxaros porque é un bo imitador. É moi fácil de identificar a súa cabeza e a súa "gravata" negras e o peito amarelo, xunto co verde oliváceo, ás veces case azul, das súas ás e cola e as súas fazulas brancas amareladas son trazos inconfundibles dun ferreiriño. Resulta común en ambientes arborados e adáptase moi ben á presenza humana.